ماذا تريد هيفاء وهبي؟

Tei7a--ماذا تريد هيفاء وهبي؟

يخرب بيت الشتا. قعدني في البيت وأنا اللي عمري ما بستكين في مكاني. يمكن بقالي زيادة عن سنة مقضتش يوم كامل في البيت, أعمل ايه, أنا فعلا بحب الشارع....الواحد بيحس بالحياة طول ما هو برة البيت. المهم أديني بردان, وحالتي بالبلا, ب "أنف" كل 3 دقايق, وأمي بتعملي مشروب سيكم بتاع البرد, حاجة عبارة عن خلطة من الأعشاب الصحية, اللي سبحان الله كلها طعمها خري...

المهم بما اني قاعد في البيت, التسالي المتاحة هي التليفزيون والكمبيوتر, والأكل. وبما اني مش أكيل قوي, فمتبقاش غير التليفزيون والكمبيوتر. قلبت في التليفزيون علي فيلم عدل مالاقتش, قمت جايب علي قناة مزيكا, أهو أي زبالة تشتغل في الخلفية. قعدت علي الكمبيوتر, بصيت علي الأيميل, الفيس بوك وبعض مواقع الأخبار. مفيش جديد. المهم ألتفت إلي التلفزيون, لأجد هيفاء وهبي في أغنيتها الجديدة "أبن الحلال".

الأغنية والله مش بطالة, يعني اللحن ظريف, Catchy, زي ما بيقولوا بالانجليزي. بس ده مش المهم. هيفاء كانت لابسة كذا طقم في الفيديو, ولكنها (المخرج) كانت مركزة علي طقم بعينه, يتكون من بنطلون أحمر فاقع, و"توب" أبيض مفتوح في الأماكن الصحيحة والمطلوبة طبعا. زيادة عن كدة فهيفاء "تمثل" دور فتاة الشارع الدلوعة الغنوجة العلقة اللي مدوبة ذكور الشارع, يضربون عليها الكثير من العشرات دون أن يستطيعوا ولو حتي ملامسة كفها (فاء أم سين؟!).

الصراحة هيفاء ادت الدور المطلوب منها تمام في الأغنية والتصوير, زغزغت كل سنتيمتر رجولة جوايا, ولاعبت خيالات المراهق والشاب, أنا بحبك يا هيفاء, بس يا خسارة عمرنا ماهنكون مع بعض, والصراحة أنت السبب. صحيح أنا مش غني زي الأمرا السعوديين, لكن أنا عندي حاجات كتير أقدمهالك غير الفلوس...(Pathetic)؟

هيفاء تنظر مباشرة إلي عين المتفرج في أغنيتها الجديدة..."يابن الحلال" تخاطب المشاهد الذكر المتطلع إليها كحلم لا يمت للواقع بصلة, ومين فينا مش أبن حلال...كلنا ولاد حلال وعشان خاطر هيفا أولاد الزنا يدخلوا العوائل الملكية ويعيشوا في باكينجهام والرياض كمان.

لكن بعيدا عن خيالاتي المريضة, أنا أحب أعرف هيفاء وهبي عايزة أي؟. الفلوس؟ هي أكيد غنية وعندهاا كاشات ودهب وألماظات كتير جدا, وده طبعا بحكم مهنتها! وأكيد مش بتعمل كدة عشان حبها لل"فن"...ده مع أحترامي الكامل لكل الفن اللي قدمتوا وفننتوا وقلعتوا ولبسته للشباب العربي الممنون جدا.

طيب يمكن هي بتعمل كدة عشان الشهرة؟ ممكن, بس هي داخلة في الأربعين سنة إن ماكانتش عديتها خلاص, وهي مشهورة بما فيه الكفاية, مفيش تاني. هي الشهرة ممكن تكون سبب جزئي بس ده أكيد مش السبب الوحيد.

مدحت محفوظ بيؤكد من ناحيته أن الأغاني السكس اللي بتيجي علي الدش ديه هي "ارهاصات" الثورة الجنسية اللي هو قاعد يتوقع فيها بقاله عشر سنين......تخيلوا هيفاء هي قائدة تلك الثورة تتقدم جموع المجاهدات ببنطلونها الأحمر وصدرها الأبيض الناهد يتدلي من قميصها لتدك قلاع التطرف والرجعية, وتطلق سراح ملايين الشباب والشابات العرب المكبوتين جنسيا ليعيشوا أحلي أيام العمر بدون قيود...هي فكرة جميلة, لكنها مستبعدة قوي.

بعض الأعمال الفنية زي الأفلام, المسسلات, الأغاني عادة ما بتقدم الجنس كفاتح شهية أو (catalyst) في المحتوي اللي بتقدمه. طبق جانبي يعني جنب الوجبة الأساسية, لزوم النجاح الجماهيري أو التجاري أو مجرد من باب دلدلة اللسان للمجتمع المتخلف. هيفاء وهبي من الناحية التانية, لا تقدم إلا الجنس. لا تحابيش و لا يحزنون. عنصر الجنس هو العنصر الأساسي (الوحيد؟) في الأغنية من أولها لأخرها, من أول صوتها وآهاتها, للبسها, لتعبيرات وجهها لرقاصتها, اللي غالبا ما تتكون من هز رتيب لكن ممتع لطيزها, يتم تصويره من عدة زوايا.

وبما أن هيفاء ما بتقدمش غير الجنس, فالصراحة, أنا أعتبرها الموازي العربي للPornography أي الترفيه الجنسي, زي أفلام ومجلات ومحلات السكس (وليس بيوت الدعارة).

علي أي حال, هيفاء وهبي جميلة ولزيزة, والصراحة أنا بحب أشوفها علي التلفزيون وهي بترقض وتتدلع وتبصلي وتغنيلي, حاجة جميلة, المشكلة هي ان أنا عارف أنا عايز منها ايه, بس هيا عايزة ايه مني؟!

وبالنسبة للي عايز يشوف الأغنية هي بتيجي كل خمس دقايق تقريبا علي قنوات مزيكا ومزيكا زووم. واللي ماعندوش دش الكليب أهو....