استعداد خاص ل"سلمى صباحى" .
استعداد خاص لـ "سلمى صباحى"
تستعد المطربة والمذيعة سلمى صباحى - مذيعة برنامج "شبابيك"- للحفلة الخاصة بيها يوم 4 يوليو فى ساقية
الصاوى ، ودى هتكون الحفلة التالته للمطربة سلمى صباحى ، سلمى بدأت تغنى من صغرها في دار الأوبرا مع
المايسترو سليم سحاب واشتركت في كذا فرقة منها فرقة يحيى غنام والموصلية واسكندريللا و خدت لقب مطربة الجامعة
و لسه بتغني مع فرقة "أيامنا الحلوة" اللي بتعتبرها أسرتها واشتركت فى برنامج "سوبر ستار الموسم الثانى"
، وعملت حفلين خاصين بيها فى الساقية ، وغنت أغانى لمطربين معروفين زى علي الحجار ، وفيروز ، وعايدة
الايوبي ، ومنير , وحليم ,وأنغام وغيرهم وأغانيها الخاصة
سلمى بنت مصرية جدا حلمها ان صوتها واحساسها يوصلوا لكل الناس ، ناس كتير عرفوها وحبوها من خلال برنامج
شبابيك على قناة دريم ، بسبب تلقائيتها واللى يعرف سلمى شخصيا يلاقيها صاحبة واخت وبنت جدعة من الأخر لو فى اديها تساعد حد بتساعده.
وعن أخر الأخبار سلمى بتعمل برنامج جديد على راديو حريتنا على النت اسمه "البيت" كل يوم اتنين الساعة 9 ونص ، البرنامج متنوع، ومؤخرا نزلها أغنية "قولهالى تانى" فى فيلم "احنا اتقابلنا قبل كدا" بجانب برنامج
"شبابيك" على دريم
اللى عايز يسمع ويشوف سلمى وهى بتغنى الغنا اللى بجد ومجموعة أغانى قديمة وأغانى خاصة بيها يجى يوم 4 يوليو
الساعة 8 ونص فى ساقية الصاوى هيسمع ويشوف المذيعة الجميلة "سلمى صباحى" كل السلماوية بيشجعوكى يا "سلمى"
ريم عادل
0 comments:
Post a Comment
ارجو من الاخوه ان يتكرمو وابداء الراى واكون شاكرا للمقترحاتكم البنائه لتقديم ما هو افضل
وشكراااااااااا